دانت درد اور پیٹ درد کیلیے نُسخہ۔

بِسمِ اللہ الرحمٰن الرحیم

 نُسخہ معمُول مطب حکیم جگ شیر خلفُ الرًشید حکیم سائیں بخش

نُسخہ  کراں  بیان  عجیب          فائدہ  پاون  لوگ طبیب

بِیماری نُوں پیغام پہنچاوے       بیماری دیکھ کافُور ہو جاوے

سُول شِکم نُوں کرے نابُود           درد دنداں نُوں دیوے سُود

دیوے آن  پیغام  شِفاء                 دردِ شِکم نُوں کرے تباہ

بناون دی ہُن دسًاں تمیز            سمجھن نال عقل دے عزِیز

نوشادر، گیرُو، مِرچ سیاہ               تُخم دھتُورہ کر ہمراہ

تولہ ، تولہ   تِنً  دوا                  تخم دھتُورہ چھ ماشے پا

چارے خُوب باریک کرائیں         یاد رکھیِں مَتً، بھُل نہ جائیں

رتًی دو، خُوراک جوان              نِصف خُوراک بال نادان

جے اِس دا مِقدار بڑھاویں               فوراً تُوں نُقصان اُٹھاویں

پانی تازہ  نال  لنگھاء                   خُشک چِیز دے راہ نہ جا

نال  یقین  کر اِستعمال                   درد فرار کرے فی الحال

جےکر درد دنداں نُوں ہووے             روگی آہِیں مارے، رووے

رتی  اِک  مَلاوِیں  آن                        فوراً فائدہ لئِیں پچھان